எப்போதும் விழித்திருக்கும்
அடங்கியதாய் பாவனை காட்டும்
உலை மூடி போல் தலை தூக்கும்
கிடைக்கும் முதல் வாய்ப்பில்
கட்டவிழ்ந்து கரை உடைக்கும்.
நூலில் கட்டிய மதயானை
நூலறுக்கும் ஆசை -
அவமானத்திற்கு அஞ்சி
கால் மாற்றிக் கால் மாற்றிக்
காத்து நிற்கும்
காணும் காட்சிகள் கனல் மூட்டும்
கனவுகள் உணர்வை உசுப்பிவிடும்.
அடக்க நினைப்பது அழகல்ல
அலட்சியப்படுத்துவது அறிவுடைமை அல்ல
அடிக்கடி புசிக்க உணவல்ல
பலர் கூடிச்செய்ய பொதுப்பணியல்ல.
வெறும் மெய்மட்டும் என்றால் மெய்யல்ல
உயிரும் மெய்யும் கலக்கும் ரசவாதம்
தக்க துணையோடு தணிக்க வேண்டும்
தவமென்று உணர்ந்தால் இனிமை கூடும்.
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக