கவி காளமேகப் புலவரின் சிறப்பான தமிழ் சிவஸ்துதி.
காளமேகத்தின் கணக்கு தமிழில் !
முக்காலுக்கு ஏகாமுன் முன்னரையில் வீழாமுன்
அக்காலரைக் கால் கண்டு அஞ்சாமுன் - விக்கி
இருமாமுன் மாகாணிக்கேகாமுன் - கச்சி
ஒரு மாவின் கீழரை இன்று ஓது ... !!!
பதவுரை : --
முக்காலுக்கு ஏகா முன் - தள்ளாமையால் மூன்றாவது காலாகக் கைத்தடியை நாடு முன்னர் ,
முன் நரையில் வீழாமுன் - தலையில் நரை முடி தோன்றும் முன்னதாக
,
அக்காலரைக் கால் கண்டு அஞ்சாமுன் - காலதேவனின் கால் நம்மை நாடி வரும் முன் ,
விக்கி இருமாமுன் - வயதாகி விக்கல் , இருமலுடன் நோய்கள் வரும் முன்னால் ,
மாகாணிக்கு ஏகாமுன் - உயிர் நீத்து இறுதி யாத்திரைக்குச் செல்லா முன்
கச்சி ஒரு மாவின் கீழரை - காஞ்சிபுரத்தில் ( கச்சியில் ) மாமரத்தின் கீழ் உள்ள சிவபெருமானாகிய திரு ஏகாம்பரநாதனை
இன்று ஓது - இன்றே சென்று வணங்குவீராக !
அது சரி ! கணக்கு எங்கே ? பாடலை மீண்டும் பாருங்கள் !
ஒன்றை விட சிறிய பின்னங்கள் ! (இறங்கு வரிசையில்)
முக்காலுக்கு ஏகாமுன் முன் அரையில் வீழாமுன்
அக்கால் , அரைக் கால் கண்டு அஞ்சாமுன் - விக்கி
இருமாமுன் மாகாணிக்கேகாமுன் - கச்சி
ஒரு மாவின் கீழரை இன்று ஓது
முக்கால் 3/4
அரை 1/2
கால் 1/4
அரைக்கால் 1/8
இருமா 1/10
மாகாணி 1/16
ஒரு மா 1/20
கீழரை 1/256.
என்னே தமிழின், தமிழ் புலவரின் சிறப்பு.
நன்றி :
கருத்துகள் இல்லை:
கருத்துரையிடுக