இன்றைய குறள்

குறள் : 776

விழுப்புண் படாதநாள் எல்லாம் வழுக்கினுள்

வைக்கும்தன் நாளை எடுத்து

மு.வ உரை :

வீரன் தன் கழிந்த நாட்களைக் கணக்கிட்டு  விழுப்புண் படாத நாட்களை எல்லாம் பயன் படாமல் தவறிய நாட்களுள் சேர்ப்பான்.

கலைஞர் உரை :

ஒரு வீரன், தான் வாழ்ந்த நாட்களைக் கணக்குப் பார்த்து அந்த நாட்களில் தன்னுடலில் விழுப்புண்படாத நாட்களையெல்லாம் வீணான நாட்கள் என்று வெறுத்து ஒதுக்குவான்.

சாலமன் பாப்பையா உரை :

ஒரு வீரன் தன் கடந்த நாள்களை எண்ணி எடுத்து, அவற்றுள் முகத்திலும் மார்பிலும் போரின்போது புண்படாத நாள்களைப் பயனில்லாமல் கழிந்த நாள்களாகக் கருதுவான்.

Kural 776

Vizhuppun Pataadhanaal Ellaam Vazhukkinul

Vaikkumdhan Naalai Etuththu

Explanation :

The hero will reckon among wasted days all those on which he had not received severe wounds.

💐