தாயுமானவரின் பராபரக்கண்ணி-67:

வெட்டவெளிப் பேதையன்யான் வேறுகப டொன்றறியேன்

சிட்டருடன் சேர்அனந்த தெண்டன் பராபரமே. 

தாயுமானவரின் பராபரக்கண்ணி-66: எவ்வுயிரும் என்னுயிர்போல் எண்ணி...

எவ்வுயிரும் என்னுயிர்போல் எண்ணி யிரங்கவும்நின்

தெய்வ அருட்கருணை செய்யாய் பராபரமே. 65.

தாயுமானவரின் பராபரக்கண்ணி-65

வந்தித்து நின்னை மறவாக் கடனாகச்

சிந்திக்க நின்னதருள் செய்யாப் பராபரமே

தாயுமானவரின் பராபரக்கண்ணி-64:

பரமுனக்கென் றெண்ணும் பழக்கமே மாறா

வரமெனக்குத் தந்தருள்என் வாழ்வே பராபரமே. 

தாயுமானவரின் பராபரக்கண்ணி-63:

உன்னைநினைந் துன்நிறைவின் உள்ளே உலாவும்என்னை

அன்னைவயிற் றின்னம்அடைக் காதே பராபரமே. 

தாயுமானவரின் பராபரக்கண்ணி-62:

நாட்டாதே யென்னையொன்றில் நாட்டி யிதமகிதங்

காட்டாதே யெல்லாம்நீ கண்டாய் பராபரமே

தாயுமானவரின் பராபரக்கண்ணி-61:

எண்ணம் அறிந்தே இளைப்பறிந்தே ஏழைஉய்யும்
வண்ணம் திருக்கருணை வையாய் பராபரமே

தாயுமானவரின் பராபரக்கண்ணி-60:

பொய்யன்இவன்  என்றுமெள்ளப்   போதிப்பார்   சொற்கேட்டுக்
கைவிடவும்  வேண்டாஎன்  கண்ணே  பராபரமே  

தாயுமானவரின் பராபரக்கண்ணி-59:

உற்றுநினைக்கில் துயரம் உள்ளுள்ளே செந்தீயாய்ப்
பற்றநொந்தேன் என்னைமுகம் பார்நீ பராபரமே

தாயுமானவரின் பராபரக்கண்ணி-58:

அன்னையிலாச் சேய்போல் அலக்கணுற்றேன் கண்ணார
என்னகத்தில் தாய்போல் இருக்கும் பராபரமே.

தாயுமானவரின் பராபரக்கண்ணி-57:

வாயினால்  பேசா  மௌனத்தை  வைத்திருந்தும் 
தாயிலார்   போல்நான்  தளர்ந்தேன்  பராபரமே 

தாயுமானவரின் பராபரக்கண்ணி-56:

எத்தால்  பிழைப்பேனோ  எந்தையே  நின்னருட்கே 
பித்தானேன்  மெத்தவும்தான்  பேதை  பராபரமே 

தாயுமானவரின் பராபரக்கண்ணி-55:

கொல்லா  விரதம்  குவலயம்எல்லாம்  ஓங்க
எல்லார்க்கும்  சொல்லுவதென்   இச்சை  பராபரமே 

தாயுமானவரின் பராபரக்கண்ணி-54:

கண்ணாவாரேனும்  உனைக் கைகுவியாராயின்  அந்த

மண்ணாவார்  நட்பை  மதியேன்  பராபரமே.

தாயுமானவரின் பராபரக்கண்ணி-53:

துச்சமென  வேண்டா  இத்தொல்லுலகில்  அல்லல்கண்டால் 
அச்சம்  மிகஉடையேன்   ஐயா  பராபரமே. 

தாயுமானவரின் பராபரக்கண்ணி-52:

நேச  நிருவிகற்ப  நிட்டைஅல்லால்  உன்அடிமைக்கு
ஆசையுண்டோ  நீஅறியாத  தன்றே  பராபரமே  

தாயுமானவரின் பராபரக்கண்ணி-51:

சொல்லும் பொருளும் அற்றுச் சும்மா இருப்பதற்கே
அல்லும்  பகலும்  எனக்காசை  பராபரமே  

தாயுமானவரின் பராபரக்கண்ணி-50:

சொன்னத்தைத்  சொல்வதல்லால்  சொல்லற என்       
                                                                            சொல்லிறுதிக் 
கென்னத்தைச்  சொல்வேன் எளியேன்  பராபரமே  

தாயுமானவரின் பராபரக்கண்ணி-49:

பாடிப் படித்துலகில் பாராட்டி நிற்பதற்கோ 
தேடி எனை அடிமை சேர்த்தாய் பராபரமே 

தாயுமானவரின் பராபரக்கண்ணி-48:

எள்ளளவு  நின்னைவிட  இல்லா  எனைமயக்கில்

தள்ளுதலால்  என்னபலன்  சாற்றை  பராபரமே