நூல் மயம்

நூல் மயம்

நூல் மயம் : 1801 - டாக்டர் மு.ராஜேந்திரன்

1801-டாக்டர் மு.ராஜேந்திரன்

பக்கங்கள்:541

எழுத்தாளர்:-

இவர் ஒரு மாவட்ட ஆட்சியாளர். வேலையிலிருக்கும் போதே இந்திய வரலாறு குறித்த ஆய்வுகளில் ஈடுபட்டவர். ஆட்சியர் தேர்விற்காக வரலாற்றை ஒரு பாடமாக எடுத்துப் பயின்றவர். இதன் பின் இவரது முழு கவனமும் வரலாற்றின் பக்கமே திரும்பியது. மலேசியாவின் தேசிய நிலநிதிக் கூட்டுறவுச் சங்கத்தின் டான் ஸ்ரீ கே.ஆர்.சோமா மொழி இலக்கிய அறவாரியம், அனைத்துலகத் தமிழ் நூல் போட்டியை நடத்தியது. அதில் இந்நூலைச் சிறந்த நூலாக தேர்ந்தெடுக்கப்பட்டு பரிசு கிடைத்தது.

இவரின் பிற நூல்கள்:-

1 சோழர்கால செப்பேடுகள்

2 பாண்டியர்கால செப்பேடுகள்

3  சேரர்கால செப்பேடுகள்

4  பல்லவர்கால செப்பேடுகள்

5 சட்ட வல்லுநர் திருவள்ளுவர்

6  வடகரை- ஒரு வம்சத்தின் வரலாறு

7  பாதாளி (சிறுகதைகள்)

8   வந்தவாசி போர்-250

புத்தகம்:-

                இந்த போட்டியில் கலந்துகொண்டபின் நான் வாசிக்க அதிக காலம் எடுத்த புத்தகம் இது. வேலை மற்றும் புத்தக தன்மையே அதன் காரணம். வரலாற்றுத் தகவல்களைக் கொண்டு புனைந்துள்ள நாவல்கள் அதிகம் படித்ததுண்டு. ஆனால் வரலாற்றையே நாவலாகப் படிப்பது என்பது மிகக் கடினம். இந்நாவலில் ஒவ்வொரு வார்த்தையும் ஒரு தகவலே.

     இந்த புத்தகம் 1801-ம் ஆண்டு நடந்த வரலாற்று நிகழ்வு. இந்தியாவில் நிகழ்ந்த முதல் சுதந்திரப்போராட்டமாகச் சிப்பாய் கலகம் வரலாற்றில் உள்ளது. ஆனால் அதற்கும் முன்னரே மக்களைத் திரட்டி மக்கள் போராட்டமாக முன்னெடுத்ததில் தென்னிந்தியாவுக்கு அதிக பங்குண்டு என்பதைப் பதிவு செய்வதே இந்நாவல்.

     பள்ளி காலங்களில் சிறு பகுதிகளாக வீரபாண்டிய கட்டபொம்மனும், ஊமைத்துரையும், செவித்தையாவும், மருது சகோதரர்களும் வந்து போவார்கள். ஆனால் அவற்றில் சுருங்கிப்போவதல்ல அவர்களின் வீரமும் புகழும்.

     ஊமைத்துரையைத் தெரிந்தவர்களுக்கு ஊமைத்துரையின் இயற்பெயர் குமாரசுவாமி என்பது தெரியவாய்ப்பில்லை. இந்த புத்தகத்தில் ஒவ்வொரு உறவு முறையும், போராடிய போராளிகளின் பெயரும் ஆசிரியர் நிறையத் தேடிப் பகிர்ந்துள்ளார். ஆங்கிலேயத் தளபதிகளின் பெயர்கள், விடுதலை போராளிகளின் பெயர்கள் அவர்களின் வரலாறுகள் புத்தகத்தின் கடைசி சில பக்கங்களில் சுருக்கமாகத் தரப்பட்டுள்ளது.

 

     1800 மே மாதம் ஆரம்பிக்கும் இந்நாவல் ஊமைத்துரை மற்றும் சிவத்தாவின் சிறையில் இருந்து ஆரம்பிக்கிறது. அவர்களைச் சின்ன மருது சிறையிலிருந்து மறைமுகமாக மீட்டு வருகின்றார். அதே நேரம் ஆங்கிலேயர்களுடன் விரோதத்தை வளர்க்காமலும் இருக்கின்றார். சிவகங்கை, இராமநாதபுரமே இந்நாவலின் கதைக்களங்கள்.

     பின்னர் ஆங்கிலேயருடன் மோதல் ஏற்பட்டு இறுதியில் மருது சகோதரர்கள் மற்றும் அவருக்கு உதவி செய்தவர்கள், மருது சகோதரர்களின் பிள்ளைகள் அனைவரையும் தூக்கிலிடுகின்றனர்.

     ஆங்கிலேயர்கள் ஆட்சி அதிகாரத்தை கைப்பற்றவும், மக்களிடையே பிளவுகளை ஏற்படுத்தவும் திருச்சி முதல் திருநெல்வேலி வரை 72 பாளையமாகப் பிரித்து வைத்திருந்தார்கள்.

     இந்திய அடிமைப்பட முக்கியக்காரணம் துரோகம். வீரமின்றி தோற்றவர்களைத் துரோகத்தில் வீழ்ந்தவர்களே அதிகம் நம் வரலாற்றில். ஆங்கிலேயர்கள் நம்மிடமிருந்து அவர்கள் முதலில் கண்டுபிடித்தது இந்த சூட்சமத்தை தான். வெள்ளைகரார்களின் படையில் வீரர்களை உருவாக்குவதை விட அவன் செய்த முதல் வேலை எதிரிப் படையில் துரோகிகளை உருவாக்குவது. முதன் முதலாக ராபர்ட் கிளைவ் இந்தியாவில் கிழக்கிந்திய கம்பெனி இந்திய அரசர்களுடனான போர்களில் ராபர்ட் கிளைவ்யின் உடன்படிக்கைகள் அந்த நாட்டு தளபதியோடு அல்லது அரசர்களுக்கு அடுத்தபடியான அதிகாரமுடையவர்களுடனாகதான் இருக்கும். மருது சகோதரர்களைக் கைது செய்ய அவர்கள் பயன்படுத்திய ஆயுதமும் துரோகம்தான், அது “கருத்தான்” என்னும் பெயரிலிருந்தது.

     இந்த புத்தகத்தின் முடிவில் சின்ன மருதுவின் மகன் துரைசாமி 12வயதில் நாடுகடத்தப்படுகிறார். அவர்தான் வேலு ராமமூர்த்தி அவர்கள் எழுதிய “பட்டத்து யானை” யில் வரும் இராணா சிங்கமா?  தெரிந்தவர்கள் தெளிவுபடுத்தினால் சிறப்பாக இருக்கும்.

     இந்த புத்தகத்தின் இறுதி பக்கங்களைப் படிக்கும் போது அந்நிகழ்வு நியாபகத்தில் வந்ததால் என் சந்தேகம், அவ்வளவுதான்.

நன்றி :

நூல் மயம் : ஓம் ஷின்ரிக்கியோ - பா. ராகவன்

*Reading Marathon  2021-50*

*RM.. ID.. # 00105*

# *36--50* #

புத்தகத்தின் பெயர்:-      *ஓம் ஷின்ரிக்கியோ *

ஆசிரியர் :-  *பா. ராகவன் *

பக்கம்:- *85

மின்னூல்

 நண்பர்களே,

 மிகவும் வறியப்பட்ட குடும்பத்தில் பிறந்து, ஒன்றுக்குமே லாயக்கில்லாதர் என்று வீடுட்டாரால் கைவிடப்பட்ட நிலையில் இருந்து, வேறு பலர் யாருமே சிந்திக்காத ஒரு வித்தியாசமான முறையில் சிந்தித்து, பின் நாட்களில் "சிவபெருமானின்* நாமத்தை உச்சரித்து, *ஜப்பான், ஆஸ்திரேலியா, ரஷ்ய* போன்ற நாடுகளில் தனது பக்தர்களை உண்டாக்கி, ஜப்பான் நாட்டை தான் தான் ஆளவேண்டும் என்றும், எண்பதுகளில் உலக அரங்கில் எல்லோரையும் என்னைத் திரும்பிப் பாருங்கள் என்று திகைக்க வைத்த *ஷோகோ* என்ற *தக்காளிச்சாமியார் * பற்றிய அறிமுகம் தான் இந்தச் சிறிய புத்தகம். *ஆசிரியர் பா. ராகவன்  தனது பாணியில் நகைச்சுவை மேலோங்க, திறம்பட வாசிப்பாளர்களுக்கு தந்துள்ளமை மிகவும் பாராட்டத்தக்கது.

 ஆரம்ப காலத்தில் எல்லாவிதமான *மதம்* சார்ந்த புத்தகங்களையே விரும்பிப் படித்துவந்த **ஷோகோ**, அவற்றில் இந்து மதத்தையும், புத்த மதத்தையும் அவரது மனம் கொள்ளை கொள்ள, அதிலிருந்து *ஓம்* என்று உச்சரிக்கத் தொடங்கினார். அதன் தொடர்ச்சியாக அவர்  இந்துமத வழிபாட்டுத் தலங்களுடைய சில நாடுகளுக்கும் சென்று வந்தார். இறுதியாக வட இந்தியா சென்று, சில சித்தர்களைச் சந்தித்தபின் அங்கே *தியானம், யோகா, சில மந்திரங்கள்* போன்றவற்றை சில காலம் தங்கியிருந்து கற்றறிந்தார். அதன் முடிவாக *ஓம் ஷின்ரிக்கியோ * என்ற ஒரு *பக்தி மார்க்க* இயக்கத்தை உருவாக்கினார்.

 ஜப்பானியர்கள் 2 வது உலகமாகாயுத்தத்தின் பின்னர் தமது நாட்டைக் கட்டியெழுப்பவே, தினமும் ஓட்டமும் நடையுமாக இருந்து வருகின்றனர். அணுகுண்டைப் போட்ட அமெரிக்கா, அத்துடன் தனது புதிய அரசு சட்டங்கள், புதிய வாழ்க்கை, சில கலாச்சாரங்கள் என்று சிலவற்றையும் விதைபோட்டுச் சென்றது. அதேவேளை ஜப்பானியர்கள் மதத்தையோ, நம்பிக்கைகளையோ, கலாச்சார, பழக்கவழக்கங்களயோ மிகவும் மதிக்கக்கூடியவர்களாக இருந்த காரணத்தினால் *தக்காளிச் சாமியார் * தனது *ஓம் சிவ சிவா * பக்தி மார்க்க மூலம் மக்களை காந்தம் போல் ஈர்க்கத் தொடங்கினார்.

** ஷோகோ * தனது இந்தியப் பயணத்தை முடித்துக் கொண்டு ஜப்பான் திரும்பியதும், *டோக்கியோ* வில் ஒரு சிறிய அப்பார்ட்மெண்ட்டில் வாடகைக்கு வீட்டைப் பதிவு செய்து குடியேறினார். ஆரம்பத்தில் இளைய தலைமுறைகள் அவரது *பக்தி*மயக்கத்தில் மூழ்கினார்கள். அடுத்து வந்த காலகட்டத்தில் முதியவர்கள், பட்டதாரிகள், தொழில் அதிபர்கள், காவல் துறை அதிகாரிகள், அரசியல் வாதிகள், ஏன்... *விஞ்ஞானிகள், ரஷ்ய அமைச்சர்*கூட இவரின் *ஓம் ஷின்ரிக்கியோ * பக்தனாக உறுதி பூண்டார்கள்.

பிறகென்ன, வழமைபோல் ஏற்கனவே பல சாமியார்களின் வரலாறுகளை நாம் முன்னோக்கிப் பார்தோமேயானால், அதே போன்ற நிகழ்சிகள் தான் தொடர்ந்தன. *டாலர்கள் குவிந்தன, பல ஷின்ரிக்கியோ * கிளைகள்* தோன்றின. ஜப்பான், ரஷ்ய, அவுஸ்திரேலியா என பல நாடுகளில் இருந்தும் கோடிக்கணக்கான பணம் நன்கொடையாக வந்து குவிந்தன.

 இங்கே ஆசிரியர் *பா. ராகவன்  13 சிறிய தலைப்புகளில் *ஜப்பான் சாமியார் * பற்றி அசத்தும் படியாக தனது ஆக்கத்தை வடித்திருக்கிறார்.

# ஓம்! ஓம்! ஓம்!

# உலகம் சுற்றும் வாலிபன்

# முதல் கொலை, இரண்டாம் கொலை

# அழைக்கிறது அரசியல்

# மரண அடி

# தாமரைப் பிரசங்கம்

# மூணு கேஸ்

# உயிரே உயிரே உடனே போ

# ஷெரீன் இல்லை, செரீன்

# இரண்டு வெற்றிகள்

# மாட்டிக்கொண்ட மகான்

# எங்கே தக்காளி?

# ஹரி ஓம்

 நண்பர்களே, தலைப்புகளைப் பார்த்தாலே நம் எண்ண ஓட்டங்கள் ஓரளவுக்கு ஒளிந்திருப்பவை வெளிவர நிறைய சந்தர்ப்பங்கள் உண்டு என நினைக்கிறேன்.

எல்லாம் எழுதிவிட்டால் வாசிக்கும் உங்கள் ஊக்கம்  முறியடிக்கப் படலாம் என்றே தோன்றுகின்றது.

எனது அன்பான சிஸ்ஸியர்களே உறங்கியது போதும் இவ்வளவு சொத்துக்களையும் வைத்துக்கொண்டு என்ன செய்கிறீர்கள்? அடுத்து வரப்போகும் *3 வது உலகப்போரைக் காப்பாற்றுவது* நமது கடமையல்லவா, எனவே அதற்குத் தயாராகுங்கள் என்று அழைப்பு விடுத்தது மட்டுமல்ல, ஏராளமான ஆயுதங்களையும், நவீன துவக்குகளையும் வாங்கிக் குவித்தார் *ஷோகோ *. அது மட்டுமல்லாது, படு பயங்கரமான *இரசாயன ஆயுதங்களை * ஜப்பானிலேயே தயாரித்தார். அதனை பரீட்சித்துப் பார்த்தார். *ஓம் சிவாயநம * என்ற பெயரில், ஜப்பானில் ஆட்சியைப் பிடிக்கும் நோக்கமாக 1989 ல் தந்திரமாக தனது இயக்கத்தை சட்டபூர்வமா அங்கீகரிக்கச் செய்தார்.

அதே ஆண்டில் தனது உடம்பில் ஓடுவது இரத்தமில்லை, அது ஒரு *சிரெஞ்ச் ரத்தம்* என்றும் அது சிவபெருமானால் தருவிக்கப் பட்ட ஊற்று என்று ஒரு புலுடாவை அவிழ்த்து விட்டார். கடைசியில் நடந்ததை வசித்து அறியுங்கள் நண்பர்களே. அதுமட்டுமின்றி, தனது தாடி முடியை மிகச் சிறு துண்டுகளாக்கி (ஒரு இஞ்சி அளவு) அதனை ஒரு பேளையில் வைத்து, ஒன்றுக்கு *375 டாலருக்கு* விற்று, மேலும் பணத்தின் மீது மிதந்தார்.

1990 ல் நடைபெற்ற ஜப்பான் பாரளுமன்றத் தேர்தலில் *ஷோகோ * வால் தேர்ந்தெடுக்கப்பட்ட தனது வேட்பாளர்கள் (மன்னிக்கவும் பக்தர்கள்) 24 பேரும் டிப்போசிட் இழந்த கதை,1994 ல் ஏற்பட்ட இரசாயன பரிசோதனை, ரஷ்ய நாட்டில் இருந்து களவாடப்பட்ட அணுமின் உற்பத்திக்கான ஆவணங்கள் , இன்னும் பல அறியப்படாத தகவல்களை தெரிந்து கொள்ள வாசியுங்கள்.

இறுதியாக *ஷோகோ * வின் ஆட்டங்கள் எப்படி முடிவுக்கு வந்தது. அவரை எங்கே பொலீஸார் மடக்கிப் பிடித்தனர், அவரது தண்டனை எவ்வாறு விதிக்கப்பட்டது, அவரது சீடர்கள் என்ன ஆனார்கள், போன்ற விபரங்கள் யாவற்றையும் வாசித்து அறிந்து கொள்ளுங்கள். மாமிசம் உண்பவர்கள் இருக்கும் வரைக்கும் விலங்குகளும் பறவைகளும் வேட்டையாடுவதை நிறுத்த முடியாது. அதைபோல் **ஏமாறுபவர்கள் இருக்கும் வரைக்கும் ஏமாற்றுபவர்கள் முளைத்துக் கொண்டுதான் இருப்பார்கள்** என்ற விதியை மாற்ற முடியுமா என்று தெரியவில்லை.

நன்றிகள்

பொன் விஜி - சுவிஸ்

நன்றி :

நூல் மயம்

எழுத்து இலக்கிய அமைப்பு சில ஆண்டுகளுக்கு

முன்னால் கைராட்டை கோபம்

என்ற என் சிறுகதைத்

தொகுப்பிற்கு முதல்பரிசு அளித்து 45000 ரூபாய் ராயல்டியை மேடையில் வழங்கினார் முன்னாள்

நடுவண் அமைச்சரும் இவ்வமைப்பின் தலைவருமான ப.சிதம்பரம்

அவர்கள்.இத் தொகுதிக்கு வண்ணநிலவன் முன்னுரை

பெற விரும்பினேன்.முப்பதாண்டுககால நண்பர்.என்மீது மிகுந்த அன்பு கொண்டவர்.அதற்காக

என் தகுதியை மீறிய பாராட்டை அவரிடம் நான்

எதிர்பார்க்கவில்லை. ஆயினும் அவர் தந்த கவருக்குள் இருந்த அணிந்துரையில் எனக்கு

ஒரு அதிர்ச்சி காத்திருந்தது

என் எழுத்து பற்றிய எதிர்மறையான விமர்சனத்தை அதில் முன்

வைத்திருந்தார் வ.நி. நண்பர்கள் அந்த விமர்சன வரிகளை நீக்கிவிட்டு பிரசுரிக்கலாம்  எனறனர் நான்

மறுத்து விட்டேன்.வண்ணநிலவன் அபிப்பிராயம் முழுமையாகப்

பிரசுரம் கண்டது.அவர் எனக்கு

அணிவித்த மாலையில்  உள்ள முட்கள் உறுத்தவே செய்கின்றன

உண்மையின் உறுத்தல்

பூக்களை விட சுகமாக இருக்கிறது

நன்றி :

தஞ்சாவூர்க்கவிராயர்