திருநீற்றுப்பதிகம்-11:

ஆற்றல் அடல்விடையேறும் ஆலவாயான் திருநீற்றைப்
போற்றிப் புகலி நிலாவும் பூசுரன் ஞானசம்பந்தன்
தேற்றித் தென்னனுடல் உற்ற தீப்பிணியாயின தீரச்
சாற்றிய பாடல்கள் பத்தும் வல்லவர் நல்லவர்தாமே.

திருஞானசம்பந்தர் அருளிய திருநீற்றுப்பதிகம் நிறைவுற்றது.

திருநீற்றுப்பதிகம்-10:

குண்டிகைக் கையர்களோடு சாக்கியர் கூட்டமும் கூடக்
கண் திகைப்பிப்பது நீறு கருத இனியது நீறு
எண்டிசைப்பட்ட பொருளார் ஏத்துந்தகையது நீறு
அண்டத்தவர் பணிந்தேத்தும் வாலவாயான் திருநீறே.

திருநீற்றுப்பதிகம்-9:

மாலோடு அயன் அறியாத வண்ணமும் உள்ளது நீறு
மேலுறை தேவர்கள் தங்கள் மெய்யது வெண்பொடி நீறு
ஏல உடம்பிடர் தீர்க்கும் இன்பந்தருவது நீறு
ஆலமது உண்டமிடற்றம் ஆலவாயான் திருநீறே.

திருநீற்றுப்பதிகம்-8:

இராவணன் மேலது நீறு எண்ணத் தருவது நீறு
பராவண மாவது நீறு பாவமறுப்பது நீறு
தராவண மாவது நீறு தத்துவமாவது நீறு
அராவணங்கும் திருமேனி ஆலவாயான் திருநீறே.

திருநீற்றுப்பதிகம்-7:

எயிலது அட்டது நீறு இருமைக்கும் உள்ளது நீறு
பயிலப்படுவது நீறு பாக்கியமாவது நீறு
துயிலைத் தடுப்பது நீறு சுத்தமதாவது நீறு
அயிலைப் பொலிதரு சூலத்து திருவாலவாயான் திருநீறே.

திருநீற்றுப்பதிகம்-6:

அருத்தம் தாவது நீறு அவல மறுப்பது நீறு
வருத்தம் தணிப்பது நீறு வானமளிப்பது நீறு
பொருத்தம் தாவது நீறு புண்ணியர் பூசும் வெண்ணீறு
திருத்தகு மாளிகை சூழ்ந்த திருவாலவாயான் திருநீறே.

திருநீற்றுப்பதிகம்-5:

பூச இனியது நீறு புண்ணியமாவது நீறு
பேச இனியது நீறு பெருந்தவத்தோர்களுக் கெல்லாம்
ஆசை கெடுப்பது நீறு அந்தம தாது நீறு
தேசம் புகழ்வது நீறு திருவாலவாயன் திருநீறே.

திருநீற்றுப்பதிகம்-4:

காண இனியது நீறு கவினைத் தருவது நீறு
பேணி அணிபவர்க்கெல்லாம் பெருமை கொடுப்பது நீறு
மாணந்தகைவது நீறு மதியைத் தருவது நீறு
சேனந் தருவது நீறு திருவாலவாயான் திருநீறே.

திருநீற்றுப்பதிகம்-3:

முத்தி தருவது நீறு முனிவரணிவது நீறு
சத்தியமாவது நீறு தக்கோர் புகழ்வது நீறு
பத்தி தருவது நீறு பரவ இனியது நீறு
சித்தி தருவது நீறு திருவாலவாயான் திருநீறே.

திருநீற்றுப்பதிகம்-2:

வேதத்திலுள்ளது நீறு வெந்துயர் தீர்ப்பது நீறு
போதந்தருவது நீறு புன்மை தவிர்ப்பது நீறு
ஓதத்தருவது நீறு உண்மையில் உள்ளது நீறு
சீதப்புனல் வயல்சூழ்ந்த திருவாலவாயன் திருநீறே.

திருநீற்றுப்பதிகம்-1:

திருஞானசம்பந்தர் அருளிய திருநீற்றுப்பதிகம்

மந்திரமாவது நீறு வானவர் மேலது நீறு
சுந்தரமாவது நீறு துதிக்கப் படுவது நீறு
தந்திரமாவது நீறு சமயத்தி லுள்ளது நீறு
செந்துவர் வாயுமை பங்கன் திருவாலவாயன் திருநீறே.