பிரார்த்தனைகள்-3: நான்கு வரங்கள்

பிரார்த்தனைகள்-3:

பிரார்த்தனைகள்-: படித்ததில் பிடித்தது

இறைவா!

வருமானம் குறைவானாலும் வயிறாற உணவை கொடு! 

வாழ்நாள் குறைவானாலும் நோயில்லா உடலைக் கொடு! 

வசதி குறைவானாலும் அன்பான உறவைக் கொடு! 

உறவுகள் குறைவானாலும் உயிர் தரும் நட்பைக் கொடு! 

படிப்பு குறைவானாலும் நடிப்பில்லா தொழிலைக் கொடு

பணம் குறைவானாலும் பக்தி செலுத்தும் மனதைக் கொடு! 

பிறர் வலியை தன்வலியாய் உணரும் உணர்வைக் கொடு! 

மலை போல் பணம் இருந்தாலும்

தர்மம் செய்யும் சிந்தை கொடு! 

வாழ்வில் பல துணைகள் இருந்தாலும்  உயிர்துணையாய் இறைவா நீயே  வந்துவிடு.

படித்ததில் பிடித்தது

முதியோர் தின பிரார்த்தனை

பிறவிப்பயனை அடைதல் வேண்டும்.
முழுமை பெற வேண்டும்.
மகத்தான சாதனைகள் புரிந்திடல் வேண்டும்.
உரிய நேரம் வந்தவுடன் முழு மனதோடு, இன்முகத்தோடு, மலர்ந்த முகத்தோடு, சிரித்த முகத்தோடு நின் திருவடிகளை வந்தடைதல் வேண்டும்.
இயலாமை, முதுமை, பிணி என்று படுக்கையில் விழுமுன், அடுத்தவர்களுக்கு சுமையாகுமுன் இந்த உடலை உதறிவிட்டு, நின் திருவடிகளை நல்லபடியாக வந்தடைதல் வேண்டும்.
தேவையில்லாமல் இந்த உடலின் மீதோ, உயிரின் மீதோ, உற்றார் மீதோ, உறவினர் மீதோ, பொருட்கள் மீதோ அல்லது வேறெதென் மேலோ கடும்பற்றுக் கொண்டு துன்பப் படக்கூடாது, துயரப்படக் கூடாது.
முக்கியமாக அடுத்தவர்களைத் துன்பப் படுத்தக்கூடாது, துயரப் படுத்தக்கூடாது.
கருணை காட்டு தாயே! நல்லருள் புரிவாய் அம்மா!
சரணம், சரணம், சரணம்!