நூல்நயம்

"மலைவாசல் "

சாண்டில்யன்

 வானதி பதிப்பகம்.

      சாண்டில்யன் அவர்கள் சரித்திர கதை எழுதுவதில் மன்னன். அவரின் கதைகளைப் படித்துக் கொண்டே இருக்கலாம் ;பொழுது போவதும் தெரியாது. அந்த காலத்தில் யவன ராணியை எவ்வளவு நாழிகை இரவு முழுக்க கண்விழித்து இரண்டே நாளில் படித்து முடித்தேன் .ஒரு இடத்தில் அவர் ஒரு பெண்ணின் அங்க லாவண்யங்களை வருணிக்கும் பொழுது பத்து பக்கங்களுக்குக் குறையாமல் வர்ணித்துக் கொண்டே இருப்பார் .அவ்வளவு நாவன்மை எழுத்து வன்மை வாய்ந்தவர்கள் அவர்கள்.

            "மலைவாசல் "இதுவும் சரித்திர கதை தான் .பழங்காலத்தில் வடமேற்கு கணவாய்களின் வழியாக நமது நாட்டிற்கு வந்த தொல்லைகள் மிகப் பல. நமது நாட்டின் செல்வத்தை பகைவர்கள் கொள்ளையடிக்கவே படை எடுத்தனர். இந்த நாட்டு மன்னர்கள் அவர்களை எதிர்த்துப் போரிட்டு வெற்றி பெற்றதையும் சில சில சமயம் தோற்றதையும்அறிவோம். அத்தகைய படையெடுப்புகளில் ஒன்று ஹூனர்கள் என்னும் நாடோடி ஜாதியினர்களால் நேர்ந்தது. அவர்களுடைய மின்னல் வேக தாக்குதலை முறியடித்து பாரதத்தில் அவர்கள் ஆதிக்கம் நடைபெறா வண்ணம் தடுத்துவிடுவர் குப்த மன்னர்கள் .இருந்தாலும் ஸ்கந்த குப்தன் என்னும் மன்னன் நோய்வாய்ப்பட்டு படுக்கையில் இருந்தபோது அந்த பகைவரை எதிர்க்க முடியாமல் ஏற்பட்ட பொருளாதார நெருக்கடியால் பொன்னின் மதிப்பும் நாட்டில் குறைந்து போயிற்று.

              ஸ்கந்த குப்தன் உடைய மாற்றான் தாயாகிய ஆனந்த தேவி தன் மகன் பூர குப்தனை அரியாசனத்தில் அமர்த்த விரும்பி எதிரியான தோரமானா என்னும் படைத்தலைவர் உடன் சேர்ந்து சதி செய்து வந்தார்.அந்த சமயத்தில் இனத் தலைவன் அடிலனிடம் வாத்தியார் ஆகி பணியாற்றி வந்தான் , குப்த ராஜ்ய உப ஜனாதிபதி அஜித் சந்திரன் .உள்நாட்டு கலகத்தையும் தோரமானவன் தாக்குதலையும் உப ஜனாதிபதியும் அஜித் சந்திரன் தன் ராஜ தந்திரத்தால் முறியடித்து அடிலன் மகள் சித்ரா தேதியை மணந்த வரலாற்று உண்மையை பகைப்புலமாக கொண்டு சிறந்ததொரு சரித்திர நாவலை புனைந்திருக்கிறார் திரு சாண்டில்யன் அவர்கள்.

     வரலாற்று நூல் எழுதுவது மிகவும் எளிது அன்று ;மிகவும் கடினமானது ;அதிலும் வரலாற்றை அடிப்படையாகக் கொண்டு உண்மைச் சம்பவங்களுக்கு மாறுபடாமல் நாவலுக்கு ஏற்ற குணநலன்கள் குன்றாமல் எழுதுவது அதிலும் கடிதமான ஒன்று. மேல்நாட்டு ஆசிரியர்களாகிய சர் வால்டர் ஸ்காட் டூமாஸ் போன்றவர் தம் வரலாற்றுக் கற்பனை நாவல்களால் உலக புகழ்பெற்ற அதோடு தன் மொழிக்கும் ஆக்கமும் ஊக்கமும் அளித்து வருகிறார்கள்.

             திரு .சாண்டில்யன்அவர்கள் தமிழில் மிகச் சிறந்த எழுத்தாளர் .இயற்கையான நகைச்சுவையும் சிறந்த பாத்திரங்களைப் படை க்கும் திரத்தாலும் நன்றாக கதையை நடத்திச் செல்லும் நலத்தாலும் நல்லதொரு நாவலை தமிழ்நாட்டிற்கு அவர்கள் அளித்திருக்கிறார்கள்..

       இந்த "மலை வாசல்" கதை  சரித்திர ஆதாரங்களை கொண்டு எழுதப்பட்டுள்ளது. ஆசிரியர் வின்சென்ட் ஸ்மித் என்பவரும் பின்வரும் குறிப்புகளை கொடுத் திருக்கிறார் .கி. பி.455ஆம் வருடத்தில் ஏற்பட்ட ஹுணர்களின் படையெடுப்பை ஸ்கந்த குப்தன் முறிஅடித்தாலும் 460 க்கு மேல் 470 க்குள்மீண்டும் ஹூணர்கள் சாரிசாரியாக இந்தியாவுக்குள் புகுந்து விட்டார்கள் .

             இந்த இரண்டாவது படையெடுப்பு காலத்தில் சக்கரவர்த்தியான ஸ்கந்த குப்தன் நோய்வாய்ப்பட்டு விட்டான். நேரடியாக எதிரிகளை சமாளிக்க முடியவில்லை .எனவே  ஹூணர்கள் பத்துவருஷ காலத்திற்குள் சிந்துநதி பிராந்தியம் பூராவையும் ஆக்கிரமித்துக் கொண்டார்கள் .திரும்பத் திரும்ப ஏற்பட்ட படையெடுப்பால் ஸ்கந்த குப்தன் செல்வ நிலையையும் சீரழித்து விடுகிறது. தங்க நாணயத்தின் மதிப்பை 108 லிருந்து 73 ஆக குறைத்து விடுகிறான் . 

              இக்காலத்தில், ஸ்கந்த குப்தனின் சிறிய தாயாரான ஆனந்த தேவி தன் மகனான பூரகுப்தனுக்கு  குப்த ராஜ்யத்தை சம்பாதிக்க கொடுக்க சதி செய்கிறாள். இதனால் உள்நாட்டு அமைதி குறைகிறது. ( The Early History of India- by Vincent Smith, chapter 7, pages 289 to 293 )இந்த சரித்திர குறிப்புகளை கொண்டு சரித்திர பாத்திரங்களோடு சில சிறிய பாத்திரங்களையும் சிருஷ்டித்து மலைவாசல் எழுதப்பட்டுள்ளதாக திரு சாண்டில்யன் அவர்கள் முன்னுரையில் 

விவரிக்கிறார்

      "மலைவாசல் "இந்த தலைப்பு வருவதற்கான காரணத்தை திரு சாண்டில்யன் அவர்கள் இவ்வாறு கூறுகிறார் .,'வடமேற்கு எல்லையில் உள்ள மலைப் பிரதேசத்தின் வாசலாக அமைந்துள்ள கைபர் கணவாய்க்கு அருகே இந்த கதையை பெரும்பாலும் நடப்பதால் இதற்கு *மலைவாசல் *என்று பெயர் கொடுத்தேன் 'என்று  கூறுகிறார்.

     சுமார் 500 பக்கங்கள் கொண்ட இந்த ' "மலை வாசல் "நீங்களும் சென்று பாருங்களேன்.!!!

நன்றி :