ஜோஸ், மதுரையைச் சேர்ந்த இந்த 59 வயது இளைஞர், சத்தமில்லாமல் மிகப்பெரிய சாதனை செய்து வருகின்றார். கடந்த 37 ஆண்டுகளில் 147 முறை இரத்த தானம் செய்திருக்கிறார். மதுரை அரசு ஆஸ்பத்திரியில் தினமும் இருபது பேருக்காவது அறுவை சிகிச்சை நடக்கிறது. இவர்களுக்கு அறுபது யூனிட் வரை இரத்தம் தேவைப்படுகிறது. ஆஸ்பத்திரியில் செஞ்சிலுவைச் சங்கத்தை அதன் இணைச்செயலராக இருந்து நிர்வகித்து வருகிறார் ஜோஸ். அவருக்குக் கீழ் முன்னூறுக்கும் மேற்பட்ட கொடையாளர்கள் இருபத்து நான்கு மணி நேரமும் இரத்த தானம் செய்யத் தயாராக இருக்கின்றனர். உயிர் காக்கும் உன்னத சேவைபுரியும் இவர்கள் அனைவருக்கும் நமது பாராட்டுக்கள். (அடிப்படை: தினமலர், மதுரை, ஜூலை 27, 2008)
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக