உள்ளும் புறமுமாகி ஒளியாகி - ஞான
வெளியாகி நின்ற உமையே!
துள்ளும் கலைகளாகித் துளியாகிக் கடலாகித்
தெளிவாக நின்ற திருவே!
அல்லும் பகலுமாகி அறமாகித் தரமாகி
வளமாகி வந்த வடிவே!
அனுதினமும் உனதுமலரடி இணையில் இணையுமெனை
ஆண்டருள்வாய் அம்மையே!
கையிலே சூலமும் கண்ணிலே கருணையும்
கனிவாயில் அன்பு நகையும்
கொய்யாத மலர்முகமும் குலுங்குநவமணி அழகுங்
கொண்ட தாயே!
மைபோன்ற இருட்டிலே வையகமும் மாந்தரும்
மயங்கும் வேளை
மெய்யிலே அறிவெனும் விளக்கேற்றி வைத்தநீ
விடுதலை வழங்குவாயே!
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக