வரன் வராதா கைப்பிடிக்க
எனக் காத்திருக்கும் பெண் போல்,
ஆறு மாத காலமாய்
சுனாமி பாதித்த மீனவரின்
கால்படாதா என்று
காத்துக்கிடக்கின்றன
மீன்வளத்துறை கிடங்கில்
மிதிவண்டிகள் ஆறாயிரம்.
அது என்ன
சொல்லிவைத்த மாதிரி
அரசு வழங்கும்
இலவசங்கள் அனைத்தும்
உரியவரிடம், உரிய நேரத்தில்
ஏன் சேருவதில்லை?
கடற்கரை ஈரக்காற்றும் தன்
வேலையைத் தொடங்கியாச்சு
சராசரி இந்தியனின்
மூளையைப் போல
உபயோகிக்காமலேயே
துருப்பிடிக்கத் தொடங்கியாச்சு
தானமாய் வந்த மிதிவண்டிகள்.
இழவு வீட்டிலும் திருடும்
இந்தியக் குடிமகன்கள் சிலர்
இதிலும் கைவச்சாச்சு
வீனாகப்போவது
வண்டிகள் மட்டுமல்ல
சுனாமி துயர் துடைக்க
வாரி வழங்கியவர்களின்
வியர்வையும் அப்போய்.
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக