வியாபாரம் சரியில்லையென
ஒன்றுவிட்ட சித்தப்பா பையன்
மாற்றியமைத்தான் வாசலை;
தொட்டி வைத்தான் மூலையில்;
திசை மாற்றினான் நாற்காலியை.
ஒரு எழுத்தைச் சேர்த்தான் பெயரில்
கையெழுத்தைப்போட்டான் தமிழில்.
தொட்டியில் விட்டான் சீன மீன்களை.
வாசலில் வைத்தான் சிரிக்கும் புத்தரை.
ஆண்டுகள் இரண்டு முடிந்தபின்,
செல்வத்தில் மிதந்த தம்பியை
எப்படி இந்த மாற்றமெனக் கேட்க,
வியாபாரத்தை இழுத்து மூடி
வெகுநாளாச்சு என்றவன்
நீட்டிய விசிட்டிங் கார்டு
"வாஸ்து நிபுணர்" என்றது.
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக