"நான்" அழிந்தால்தான்
ஏந்த முடியும் கையை;
பெயர் தொலைத்தால்தான்
எடுக்க முடியும் பிச்சை.
குடும்பம் விட்டு,
உற்றார் உறவினர் மறந்து,
ஒரு யோகிக்கு வெகு அருகில்
வருபவர்கள் பிச்சைக்காரர்கள்;
அழுக்கு மட்டுமே இவர்களை
அந்நியப்படுத்துகிறது;
வயிறும் வகை பிரிகின்றது.
ஒருவகையில் இவர்கள்
"அந்தக் கணத்தில்" வாழும்
ஜென் துறவிகள்;
கடந்த, எதிர் காலங்களைக்
கடந்தவர்கள்.
வினைப்பயனை
இந்த ஜென்மத்திலேயே
அனுபவிப்பவர்களை
அவமதிக்காதீர்கள்.
"பிச்சை போடாதீர்கள்"
என்பது
ஒரு விபரீதமான பகுத்தறிவு;
இவர்களின் இருப்பிற்கு
வெட்கித் தலைகுனிய
வேண்டும் நாம்.
இவர்களுக்கு உதவி,
மனிதநேயத்தை
தக்கவைத்துக்கொள்ள
வாய்ப்பளித்தமைக்கு
நன்றி சொல்வோம் நாம்.
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக