"சும்மா இருப்பதே சுகம்" என்று சிலர் யாதொரு வேலையும் செய்யாமல் பிறர் சோற்றை உண்டு காலந்தள்ளுகின்றனர். நம்மவர்களுள் ஒருவன் சம்பாதித்தால் ஒன்பது பேர்கள் வீட்டில் உட்கார்ந்து சாப்பிடுவது வழக்கமாய் இருக்கிறது. இதுதான் நமது தேசம் தரித்திரத்தை அடைவதற்கு முக்கிய காரணம். ஒவ்வொரு மனிதனும் உழைப்பதற்காகவே பிறந்திருக்கிறான். சீட்டாடுவதும், இராப்பகலின்றித் தூங்குவதும், வம்பு பேசுவதும் உழைப்பாகாது. தனக்கும், தன் குடும்பத்திற்கும் உபயோகமான தொழிலைச் செய்வதே உழைப்பாகும். வேலை செய்வதானது, கேவலம் சம்பாத்தியத்தை உத்தேசித்து மட்டுமல்ல; பல ஜனங்களுக்கும் உபயோககரமான ஓர் காரியத்தைச் செய்தலாம். எவன் வேலையின்றித் தூங்குகிறானோ அவனைக் காண்பது கெடுதல்; தீண்டுவது தீது."
"மனிதன் வேலை செய்யப் பிறந்தான்" என்ற தலைப்பில் 'இந்தியா' பத்திரிகையில் (5.1.1907) மகாகவி பாரதியார் எழுதிய கட்டுரையிலிருந்து ஒரு பகுதி.
நன்றி: "பாரதி ஞானம்", மே 2003 (தனிச்சுற்று மாத இதழ்).
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக