பலமுறை
விளம்பரம் செய்தும்,
நேர்முகத் தேர்வுக்கு
அனைவரையும் அழைத்தும்,
பத்து இடங்களுக்கு
ஆயிரம் பேரை பரிசோதித்தும்,
ஆறு இடங்களுக்கே
ஆட்கள் கிடைத்தார்கள்!
எந்த ஒரு வேலைக்கும்
தகுதியில்லாமல் இளைஞர்களை ,
தயாரிக்கும் சேவையினை,
தப்பாமல் செய்வது
நம் பல்கலைக்கழகங்கள்.
வெள்ளைக்காரர்களை
விரட்டிவிட்டு,
மெக்காலே பிரபுவின்
கல்வியை மட்டும்
பிடித்துக் கொண்டோம்.
உதவியாளர்களை மட்டும்
உற்பத்தி செய்ய
உருவான திட்டம்
வேறெப்படி இருக்கும்?
தெரியாத மொழியில்
புரியாத பாடத்தை,
பிடிக்காத ஒருவர்
விருப்பமின்றி நடத்த,
மாணவர்களின் கதி?
இங்கிருப்பது
வேலையில்லாத்
திண்டாட்டமல்ல ;
வேலைக்குத்
தகுதி இல்லாதவர்களின்
திண்டாட்டம்தான்!
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக