கனத்த மனத்துடன்
விடைகொடுப்போம்!
"அப்பாடா" என்று
உடன் வரும் பெருமூச்சை
தவிர்க்க முடியவில்லை!
ஓய்ந்து விட்டது
துப்பாக்கிச் சப்தம்
முடிந்து விட்டது
துவந்த யுத்தம்
இழந்தது போதும்
இரண்டு பக்கமும்
நல்ல தலைவன்தான்-
இலக்கை சரியாய்
தெரிவு செய்தவன்
பாதையில் பெரும்
பிழை செய்திட்டான்!
கிடைத்த வாய்ப்பையெல்லாம்
தவறவிட்டு இன்று
தலை குப்புற வீழ்ந்து விட்டான்
"நல்லதே ஆனாலும்
அடைய முடியாது
தவறான வழியில்"-
சரித்திரம் மறுபடியும்
எழுதிக் கொண்டது
அவனுடைய இரத்தத்தால் !
பிழை பல இருந்ததாலும்
மன்னிப்போம்
பிரியாவிடை கொடுப்போம்.
விடைகொடுப்போம்
தலைவனுக்கும் வன்முறைக்கும்.
என் தாய்மொழி தமிழுக்கென்றே இவ்வலைப்பூ. எனது எண்ணங்கள், எனக்குப் பிடித்த கருத்துக்கள், கவிதைகள், கதைகள் மற்றும் என்னை ஈர்த்த செய்திகள், நாட்டுநடப்புகள், நம் அனைவரின் வாழ்வோடு தொடர்புடைய மற்றனைத்தும் இதில் இடம் பெறும். (பின்புலப் புகைப்படத்தை எடுத்த ஜோன் சல்லிவனுக்கும், அதை வழங்கிய பப்ளிக்-டொமைன்-ஃபோட்டோஸ்.காமிற்கும் நன்றி)
கருத்துகள் இல்லை:
கருத்துரையிடுக