நீங்கள் வாசிக்க இதோ ஒரு நல்ல புத்தகம்:
நாளும் நாளும் நல்லாசிரியர்:
மேட்டுப்பாளையம் கல்லாறு என்ற இடத்தில் தவத்திரு சச்சிதானந்த சுவாமிகள் நிறுவிய மேல்நிலைப்பள்ளியில் பணியாற்றும் நல்லசிரியர் வெ.கணேசன் எழுதிய “from a good teacher to a great teacher” என்ற ஆங்கில நூலினை, தமிழாசிரியர் வி.கே.கார்திகேயன் மொழி பெயர்த்து, நாளும் நாளும் நல்லசிரியர் என்ற தலைப்பில் தந்துள்ளார்.
ஆசிரியர்கள், நல்லவர்களாகவும் வல்லவர்களாகவும் விளங்குவதுடன், மாணவர்களையும் அவ்வாறு உருவாக்க வேண்டும். சொல்லாலும், செயல்லாலும் மானவர்களுக்கு வழிகாட்டியாக அமைதல் வேண்டும். ஆசிரியர்கள் கேள்வி கேட்பவராக மட்டும் அமைந்து விடாமல், கேள்விகளை கேட்குமாறு மாணவர்களை ஊக்கப்படுத்துபவராகவும் இருத்தல் வேண்டும். கேள்விகளே சிந்தனையை வளர்க்கும். தொடர்ந்த முயற்சியாலும், பயிற்சியாலும் நினைவாற்றலை வளர்த்துக் கொண்டு மாணவர்கள் முன்னேற ஆசிரியர்கள் துணை புரிதல் வேண்டும்.
ஆண்டு முழுவதற்கும், ஒவ்வொரு நாளும் ஒவ்வொரு தலைப்பில் சிந்திப்பதற்கு ஏற்ப மாதம், தேதி குறிப்பிட்டு வரிசையாக கருத்துக்களை தொகுத்தளித்துள்ள முறை நன்று. ‘இதன் கண் இல்லாதது இல்லை’ என்று சொல்லுமாறு, ஆசிரியர்கள் தொடர்பான அனைத்து கருத்துக்களும் விளக்கப் பெற்றுள்ளன.
இந்த நூல்களை வாங்கி படிக்கும் ஆசிரியர்களிடத்தில் நல்ல மாற்றமும் முன்னேற்றமும் மாணவர் மதிக்கும் சிறப்பும் ஏற்படும். நூலாசிரியர் பாராட்டுக்குரியவர்
.- தினமலரில் ம.நா.சந்தானக்கிருஷ்ணன்.
நூலாசிரியர்: வெ.கணேசன்
தமிழாக்கம்: வி.கே.கார்திகேயன்.
வெளியீடு: நியூ செஞ்சுரி புக் ஹவுஸ்.
Phone; 044 26258410 – பக்கம் 386. விலை-ரூ.250/-
கருத்துகள் இல்லை:
கருத்துரையிடுக