எனக்குப் பிடித்த கவிதை-76: வலை - பிரமிள்

வலை - பிரமிள்

மாலைக் கதிர் வாள் வெட்டு

பரிதிப் புறாத் துடிப்பு

நெஞ்சின் பால் வெளiயில்

பாலைத் தகட்டுப்

படபடப்பு.

நடை தளர்ந்தது.

இது எல்லை?

ஊத்ந்த தொடர்ந்த நிழலின்

விரல் விளiம்பு.

எதிரே

நில விரிப்பு - வாழ்வு

வலை விரிப்பா? - வாழ்வா?

திரும்பிப் பார்த்தேன்.

தசைத்திரள் உருகி வழிந்து

தார் பாறையாக நீண்டு

வான் கடல் படுகைத்

தொடுவான் வரை கிடந்த

நிழலின் இழிப்பு.

கால் விரல் கண்ணியில்

நான்.

நெல்லையப்பன் கவிதைகள்-87: பகுத்தறிவு

பகுத்தறிவு

அகால மரணமடைந்த

பகுத்தறிவுப் பகலவனை

புதைப்பதா, எரிப்பதா

என தொண்டர்படை

இரண்டுபட,

கட்டவிழ்ந்த வன்முறையில்,

உயிருடன்-

புதைக்கப்பட்டனர் மூவர்

எரிக்கப்பட்டனர் ஐவர்.

ஆன்மீக சிந்தனை-59:

தனம் தரும் கல்வி தரும் ஒரு நாளும்

தளர்வறியா மனந்தரும்

தெய்வ வடிவம் தரும் நெஞ்சில்

வஞ்சமில்லா இனந்தரும்

நல்லன எல்லாம் தரும்

அன்பர் என்பவர்க்கே

நலம் தரும் பூங்குழலாள்

அபிராமி கடைக்கண்களே!

இன்றைய சிந்தனைக்கு-186:

தோல்வி என்பதை ஒருபோதும் அறியாதது அன்பு ஒன்றுதான்.

நலக்குறிப்புகள்-90: நெல்லிக்காய்

நெல்லிக்காய்

தினமும் ஒரு முழு நெல்லிக்காய் சாப்பிடுவது நல்லது. ஏனென்றால்,  நெல்லிக்காயில் வைட்டமின் ‘சி’ இருக்கிறது. இது நோய் எதிர்ப்பு சக்தியை அதிகரிக்கும்.  சளித்தொல்லை இருக்காது.  சருமமும் ஜொலிக்கும்.  இதில் ஆன்டி- ஆக்சிடெண்டுகள் இருப்பதால், வயதானாலும் சருமம் அத்தனை எளிதாக சுருங்காது. இதனால் ஆரோக்கியம் பல மடங்கு அதிகரிக்கும்.  இதயம், கண்களுக்கு நல்லது.  எளிதில் கொழுப்பைக் குறைப்பதால், எப்போதும் புத்துணர்ச்சியை உணர்வீர்கள்.  ஒன்றுக்கு மேல் நெல்லிக்காய் சாப்பிட்டாலும் ஆபத்து எதுவும் இல்லை -   

ஆனந்தவிகடன்  24.10.12