காரைக்குடி புத்தகத் திருவிழா நடத்தும்
மாநில அளவிலான சிறுகதைப்போட்டி
காரைக்குடி புத்தகத் திருவிழாக் குழுவின் சார்பில், அதன் மேனாள் தலைவர் அய்க்கண் அவர்களின் நினைவைப் போற்றும் வகையில் பேராசிரியர் டாக்டர் அய்க்கண் – அருளரசி வசந்தா நினைவு மாநில அளவிலான சிறுகதைப்போட்டி அறிவிக்கப்பட்டுள்ளது. இச்சிறுகதைப் போட்டிக்கு முதல் பரிசாக ரூபாய் 10,000, இரண்டாம் பரிசாக ரூபாய் 7500, மூன்றாம் பரிசாக ரூபாய் 5000 என வழங்கப்படும். சமூக முன்னேற்றத்தைக் கருப்பொருளாகக் கொண்ட சிறுகதைகள் வரவேற்கப்படுகின்றன. கதைகள் 10 பக்கங்களுக்கு மிகாமல் இருக்கவேண்டும்.
கதை எழுதிப் போட்டியில் பங்கேற்பவர்கள் இது எனது சொந்தக் கற்பனையே என்ற உறுதிமொழிக் கையெழுத்திட்டு கதையுடன் இணைக்கவேண்டும். வேறு பத்திரிகைகளுக்கு அனுப்பியிருக்கும் கதைகளையோ அல்லது வெளிவந்த கதைகளையோ அனுப்பக்கூடாது. கதைகளை அனுப்புபவர்கள் பிரதிகளை வைத்துக்கொள்ள வேண்டும். எக்காரணம் கொண்டும் கதைகளைத் திருப்பி அனுப்ப இயலாது. போட்டி முடிவுகள் நடுவர் குழுவின் தீர்ப்புக்கு உட்பட்டவையாகும். சிறுகதைகளை 23.06.2024 ஆம் தேதிக்குள்
கவிஞர் இரவிச்சந்திரன்,
குறளகம்,
24/1 தெய்வராயன் தெரு,
நா.புதூர், காரைக்குடி-1 ,
சிவகங்கை மாவட்டம்.
என்ற முகவரிக்கு அனுப்ப வேண்டும். இதற்குரிய பரிசுகள் காரைக்குடியில் ஜுன் 28 முதல் ஜூலை 7 வரை நடைபெறும் புத்தகத் திருவிழாவின் நிறைவு விழாவில் பேராசிரியர் டாக்டர் அய்க்கண் குடும்பத்தாரால் வழங்கப்படும்.
மேலும் விபரங்களுக்கு 9443099770, 9360736735 ஆகிய செல்லிடப்பேசி எண்களுக்குத் தொடர்பு கொள்ளலாம். மின்னஞ்சல் nravi31272@gmail.com
கருத்துகள் இல்லை:
கருத்துரையிடுக