குழந்தைகளுக்கான ஹோமியோபதி மருந்துகள்

குழந்தைகளுக்கான ஹோமியோபதி மருந்துகள்-பாகம்-1

1.    குழந்தைகள் பார்ப்பதற்கு அசுத்தமாக இருக்கும். மிகுதியான தொல்லைகள் கொடுக்கும், உதைக்கும், அடிக்கும். எப்பொழுதும் தன்னைத் தூக்கிக்கொண்டோ அல்லது தாலாட்டிக் கொண்டோ இருக்கச்செய்யும். சதா மூக்கில் விரலை  விட்டுக் குடைந்து கொண்டேயிருக்கும்.-சினா (CINA).

2.    குளிர்ந்த நீரால் கழுவினாலோ அல்லது சுத்தம் செய்தாலோ சதா அலுத்து கொண்டிருக்கும்- ரஸ்டாக்ஸ்; சல்பர் (RHUS-T;SULPH).

3.    யாராவது தன்னைத் தொட்டாலோ அல்லது கூர்ந்து பார்த்தாலோ குழந்தைகளுக்கு தொல்லையாக இருக்கும்-ஆண்டிமோனியம் குருடம் (ANT-C).

4.    குழந்தைகள் சில பொருள்களைக் கண்டவுடன் அதைக் கேட்டு அழும்; கொடுத்தால் உடனே தூர எரிந்து விடும்- ஸ்டாபிசாக்கிரியா (STAPH).

5.    குழந்தைகள் தொட்டிலில் கீழ்நோக்கி படுக்க வைக்கும் பொழுது அழுதுகொண்டே தாவிப் பிடிக்கும். மாடியிலிருந்து கீழ்நோக்கி இறங்கி வந்தால்கூட அழும-போரக்ஸ் (BORAX).

6.    சாப்பிட எதையும் விரும்பாமல் தண்ணீரை மட்டும் விரும்பிக் குடிக்கும்-கெல்லிபோரஸ் (HELL).

7.    குழந்தை பகல் முழுவதும் அமைதியாகவும் நிம்மதியாகவும்  இருக்கும் . இரவு வந்ததும் அமைதியில்லாது தொல்லைகள் கொடுக்கும்- ஜலப்பா (JAL).

8.    குழந்தைகளுக்கு கடுமையான முன்கோபம். எல்லோருடனும் சண்டை போடும். காரணமில்லாமல் ஊளையிட்டுக் கொண்டும் , அழுது கொண்டும் , அவமரியாதையான சொற்களுடன் ஆத்திரமாகப் பேசுவார்கள்- சாமொமில்லா (CHAM).

9.    குழந்தை காய்ச்சலின் போது படுக்கையிலிருந்து விழுந்துவிடுவோமோ என்ற பயத்தினால் படுக்கையை அல்லது தாயாரைப் பிடித்துக் கொள்ளும்- ஜெல்சிமியம் (GELS).

10. குழந்தை சதா பற்களை அல்லது ஈறுகளைக் கடித்துக்கொண்டே இருக்கும்- பைடோலக்கா (PHYT).

11.  குழந்தை தனியாக இருக்கப் பயம். கையை யாராவது பிடித்துக் கொள்ள விரும்பும். தலையணையிலிருந்து திரும்பத் திரும்ப தலையை திடீரென சுண்டிக் கொள்ளும்- ஸ்டிராமோனியம் (STRAM).

12.  இரவில் குழந்தைகள் நீலம் பூரித்து மூச்சுவிடத் திணறும். வாய்வழியாக மூச்சுவிடும். பின்பு தூங்கி விடும்- சாம்புகஸ் (SAMB).

13.  படுக்கையில் அசையாமல் படுத்திருப்பதால் அனுகூலமும் சிறிது அசைவதனாலும் அதிகச் சிரமப்படும் குழந்தைகளுக்கு-பிரையோனியா (BRY).

14.  இனிப்புப் பொருள்களை அதிகமாக விரும்பி சாப்பிட்டதால் ஏற்படும் வயிற்றுப்போக்கு- அர்ஜென்டம் நைடிரிக்கம் (ARG-N).

15. சிறிய ஒலி அல்லது சிறு சச்சரவும் குழந்தைகளுக்குத் தொல்லையாகத் தென்படும்- நக்ஸ்வாமிக்கா ( NUX-V).

நன்றி :

Grateful thanks to 

Neyam-Satya, 

THE HIMEOPATH, 

WhatsApp Group